“აბაშის კულტურის ცენტრი” სამწუხარო ინოფრმაციას ავრცელებს:
“კულტურისა და ხელოვნების განვითარების ცენტრის კოლექტივი ღრმა მწუხარებას გამოთქვამს, კულტურის ცენტრის ყოფილი დირექტორის რამაზ დვალიშვილის გარდაცვალების გამო და თანაუგრძნობს განსვენებულის ოჯახს.
1995 – ში კულტურის განყოფილენაში (ასე ერქვა მაშინ) შემოვიდა კონსტანტინე გამსახურდიას სახლ-მუზეუმის განაშენიანების გეგმა,- სუფთად, აკურატულად შესრულებული ნახაზები მამაკაცისათვის უჩვეულო კალიგრაფიით დაწერილი განმარტებითი ბარათით, – ეს ნამუშევარი მუზეუმის დირექტორს ეკუთვნოდა, რამაზ დვალიშვილს.
,, დავინიშნე აბაშის სარაიონო კულტურის ცენტრის დირექტორად მიმდინარე წლის 1-ლი ნოემბრიდან და შევუდექი მუშაობას “ (ბრძანება #1, 1996 წელი), ეს უკვე რამაზის ჩანაწერია კულტურის ცენტრის ბრძანების წიგნში, რომლის დირექტორადაც თითქმის 2 ათეული წელი მუშაობდა… ეს მუშაობაზე მეტად აღმატებული იყო … მოღვაწეობდა, მოღვაწეობდა სიტყვით და საქმით. ნიჭიერი, ენერგიული, ერთგული, ყოველი ინიციატივის მხარდამჭერი, სიტყვის კაცი, იუმორით აღსავსე, უღალატო მეგობარი, კულტურის ცენტრის შენობის ფიზიკურად ერთ-ერთი გადამრჩენელი …
საოცარია, სცენის მტვერს ჩაყლაპავ და მერე იქაურობა ყველაფერზე მეტად გიყვარს … არ არის აუცილებელი ხელოვანი იყო. რამაზი ყველას ეჯიბრებოდა კულტურის სიყვარულში და ამტკიცებდა კიდევაც ამას. სიალალით, კეთილი გულით აკეთებდა ყველაფერს და არა დაფასებისათვის …
მადლობა რამაზ ! შენს ,,კულტურას“ უყვარხარ შენ!
შენს მეგობრებს უყვარხარ შენ!
სულთათანა განუსვენე, მაცხოვარო, სულსა ახლადშესვენებულისასა …”