რუსეთში, კამჩატკაზე, ქალაქ პეტროპავლოვსკ – კამჩატკიდან 51 კილომეტრის დაშორებით 5,8 მაგნიტუდის სიმძლავრის მიწისძვრა მოხდა, – ამის შესახებ ინფორმაციას რუსული მედია ავრცელებს.
გამოცემის ცნობით, მიწისძვრა, მოსკოვის დროით 14:39 საათზე მოხდა. მისი სიღრმე 89 კილომეტრი იყო, ხოლო ინტენსივობის მაჩვენებელი 4 ქულით განისაზღვრა.
დაშავებულებისა და დაღუპულების შესახებ ინფორმაცია ჯერ-ჯერობით არ ვრცელდება.
შეგახსენებთ, რომ მიწისძვრამდე, დღეს დილას, კამჩატკაზე ვულკანიც ამოიფრქვა. კუნძულის აღმოსავლეთით რამდენიმე სოფელი ფერფლით იყო დაფარული. რუსული მედიის ცნობით, სოფელ კილუჩში ჩამოწოლილი ფერფლი ბოლო 60 წლის განმავლობაში ყველაზე ძლიერი იყო.