ნატო გელაშვილს საზოგადოება კარგად იცნობს. ის უკვე არაერთი წელია, რაც ტელეეკრანსა თუ სცენაზე აქტიურად ჩანს.
ბოლო დროს კი ის სულ უფრო ხშირად ჩნდება შვილებთან, ლუკა და გიორგი ჭოხონელიძეებთან ერთად. ძმები, დედის მსგავსად, მუსიკალური ნიჭით გამოირჩევიან და მათ დუეტს „ჭოხოებსაც“ კი უწოდებენ.
ნატო გელაშვილის უფრო ვაჟი, გიორგი, დაქორწინებულია. მისი რჩეული უმშვენიერესი ანეტა ნიკურაძეა. წყვილს პირველი შვილი სულ ცოტა ხნის წინ შეეძინა.
ამჯერად ლუკა და გიორგი ჭოხონელიძეები „დილა მშვიდობისა საქართველოს“ სტუმრობდნენ, სადაც დედმამიშვილურ ურთიერთობებზე ისაუბრეს:
„უფრო მეტად ისე ხდება, როცა გასაჭირი დგება და მრგვალ მაგიდასთან ამ პრობლემას ვარჩევთ, გვერდში დგომის კუთხით ერთმანეთის ძალას ვხედავთ. ნდობა, იმედი და ა.შ. ყველაფერი თავს იყრის და შენში გროვდება. ასეთი ბევრი ყოფილა, რაც საკმაოდ პატარა ასაკიდან გავიარეთ, ოჯახურ ამბებს ვგულისხმობ. გიომ თავისი მითხრა, მე ჩემი ვუთხარი, ამათმა თავიანთი თავები გაზარდეს საუბრებითო, ხშირად ამბობდნენ. ჩვენი ცხოვრება ისე წავიდა, პარალელს ვერ გავავლებდი, ზოგადი მოდელი ძმობის არ ვიცი, როგორია, მაგრამ ჩვენ შემთხვევაში იმუშავა. დედაჩემს ბავშვური მიდგომები არასდროს ჰქონია“ – ამბობს ლუკა ჭოხონელიძე.
წყარო: მარაო