10 აპრილი
თქვენს ცხოვრებაში პოზიტიური ცვლილებების დროა. ამ დღეს დაფიქრდით იმ ცვლილებებზე, რომლებიც გსურთ, რომ განახორციელოთ. შეეცადეთ, გონება დადებით ემოციებს დაუთმოთ და წამოიწყოთ იმ საქმის გაკეთება, რაც სულ გინდოდათ, მაგრამ მოტივაცია არ გყოფნიდათ. ასტროლოგების თქმით, ეს წამოწყება წარმატებით დასრულდება და მნიშვნელოვან სარგებელსაც ნახავთ.
11 აპრილი
ამ დღეს ნაჩქარევი გადაწყვეტილებების მიღება ძალიან სარისკოა და შესაძლოა, დიდი უსიამოვნებებიც შეგიქმნათ. ასევე, ასტროლოგების თქმით, უმჯობესია, თუ მნიშვნელოვან საკითხს აღნიშნულ დღეს არ გადაჭრით და შემდეგი დღეებისთვის დაგეგმავთ. შეეცადეთ, ყველაფერი კარგად გააანალიზოთ და შემდეგ მიიღოთ კონკრეტული გადაწყვეტილება.
12 აპრილი
ეს დღე იდეალურია, რომ საკუთარი მიზნებისა და ოცნებებისთვის ბრძოლა დაიწყოთ. საოცარ ენერგიასა და მოტივაციას იგრძნობთ. ეს კი დაგეხმარებათ, რომ მნიშვნელოვანი გადაწყვეტილებები მიიღოთ, იყოთ გამბედავი და თავდაჯერებული.
13 აპრილი
შეეცადეთ, ამ დღეს კამათსა და პოლემიკაში არ ჩაერთოთ და დრო მშვიდად, მარტო გაატაროთ. კომუნიკაცია გართულებულია და დიდია იმის ალბათობა, რომ ადამიანებმა თქვენი ნათქვამი ვერ გაიგონ, ან კიდევ ისე გაიგონ, როგორც თავად აწყობთ. ნებისმიერი დიალოგი შეიძლება დიდ კონფლიქტში გადაიზარდოს. ამიტომაც, განსაკუთრებული სიფრთხილე გამოიჩინეთ და ნუ ჩაერთვებით პოლემიკაში.
14 აპრილი
ასტროლოგები გირჩევენ, რომ ამ დღეს თქვენს ცხოვრებაში გრანდიოზულ ცვლილებებს ნუ წამოიწყებთ და ნურც რადიკალურ გადაწყვეტილებებს მიიღებთ. დიდია იმის შანსი, რომ რაღაც არასწორად დაგეგმოთ და სამომავლოდ მის გამოსასწორებლად დიდი ძალისხმევა დახარჯოთ. ამიტომაც, თუკი მნიშვნელოვანი გადაწყვეტილების წინაშე ხართ, ჯობს ეს მომდევნო დღეებისთვის გადადოთ.
15 აპრილი
ამ დღეს სამყარო თქვენ მხარესაა და ყველა წამოწყებას, თქვენს ენთუზიაზმსა და მონდომებას მხარს უჭერს, რაც ასევე დიდ მოტივაციას მოგცემთ . ამიტომაც, თამამად გადადგით ნაბიჯები, წამოიწყეთ ახალი საქმეები და დაგეგმეთ სასარგებლო ცვლილებები.
16 აპრილი
ეს დღე მოულოდნელი, სასიამოვნო სიახლეებითაა სავსე და ბევრ პოზიტიურ ცვლილებას მოგიტანთ. მოემზადეთ პოზიტიური ენერგიისა და ემოციებისთვის.