გიორგი მიქაუტაძე პრემიერლიგაში გადადის? – რომელ გუნდში გადავა ქართველი?

ქართველი ფეხბურთელით პრემიერ ლიგური კლუბი დაინტერესდა. გიორგი მიქაუტაძე ინგლისური “ბარნლის” სამიზნეა. აღნიშნულ ინფორმაციას Geo Team ავრცელებს.

“რამდენიმე თვის წინ გიორგი მიქაუტაძის Whatsapp-ზე ინგლისური ნომერის ზარი დაფიქსირდა: “გამარჯობა ჟორჟ, მე ვენსან კომპანი ვარ”
ბარნლის ბელგიელ მწვრთნელს და ქართველ ფორვარდს შორის კომუნიკაცია ფრანგულ ენაზე შედგა. ინგლისური კლუბის მწვრთნელმა მიქაუტაძეს უამბო, რომ ბარნლის და მეცს შორის სატრანსფერო მოლაპარაკება გადამწყვეტ ფაზაში იყო შესული და კომპანის მიქაუტაძის ხილვა ინგლისურ კლუბში ძალიან სურდა.
ბარნლი გიორგი მიქაუტაძეში 3.5 მილიონს იხდიდა, მეცი 5 მილიონს ითხოვდა. საბოლოოდ, ტრანსფერი ჩაიშალა.
გუშინ ბარნლიმ პრემიერ ლიგაში დაბრუნება ოფიციალურად გაიფორმა.
Geo Team-ის ინფორმაციით, ბარნლის სატრანსფერო სიაში გიორგი მიქაუტაძე პრემიერ ლიგის ახალი სეზონისთვის დღემდე იმყოფება 🔥”