“აკაკი წერეთლის სახელმწიფო უნივერსიტეტი” სამწუხარო ინფორმაციას ავრცელებს – გარდაიცვალა აწსუ-ს მოწვეული პროფესორი ჯეიმს თორსონი.
“აკაკი წერეთლის სახელმწიფო უნივერსიტეტის ინგლისური ფილოლოგიის დეპარტამენტი ღრმა მწუხარებას გამოთქვამს ჩვენი ამერიკელი კოლეგისა და მეგობრის, აწსუ-ს მოწვეული პროფესორისა დანიუ-მექსიკოს უნივერსიტეტის ემერიტუსის ჯეიმს თორსონის გარდაცვალების გამო. ზუსტად 10 წლის წინ, აპრილის თვეში თავის მეუღლესთან კონი თორსონთან ერთად იგი პირველად ეწვია საქართველოს და მას შემდეგ ჩვენი დეპარტამენტის ხშირი სტუმარი გახდა.
მაღალი პროფესიონალიზმითა და იშვიათი პიროვნული თვისებებით გამორჩეული ჯეიმსი ახალგაზრდული შემართებითა და ენერგიით ლექციებს უკითხავდა სტუდენტებს, ფასდაუდებელ დახმარებას უწევდა დოქტორანტებსა და ლექტორ-მასწავლებლებლებს. იგი წარუშლელ შთაბეჭდილებას ახდენდა ირგვლივ მყოფებზე და საყოველთაო აღიარებას, პატივისცემას და სიყვარულს იმსახურებდა. პანდემიის, ხოლო მოგვიანებით დაავადების გამწვავების გამო ჯეიმსმა ვეღარ მოახერხა ქუთაისში ჩამოსვლა, თუმცა იმედს არ კარგავდა და დეპარტამენტისადმი ბოლოს მოწერილ წერილშიც კი თავის სამომავლო გეგმებზე გვესაუბრებოდა. გვიჭირს წარმოდგენა, რომ უნდა დავემშვიდობოთ ჩვენს ერთგულ მეგობარსა და გულშემატკივარს – ჯეიმს თორსონს.
ინგლისური ფილოლოგიის დეპარტამენტი თანაუგრძნობს ოჯახს და უახლოეს მეგობრებს