ასტროლოგების თქმით, აპრილის თვეში ყველაზე საყურადღებო დღეებია: 9, 19, 20, 21 და 23 აპრილი. ისინი გირჩევენ, რომ აღნიშნულ დღეებში ჯობს, თუ მნიშვნელოვან მოლაპარაკებებს არ დაგეგმავთ, არ წახვალთ შორეულ მოგზაურობაში, არ დადებთ გარიგებებსა და ხელშეკრულებებს და არ წამოიწყებთ ახალ საქმეს.
გარდა ამისა, 20 აპრილს მზის დაბნელებაა და ასტროლოგების თქმით, ამ დღეს ადამიანები მომატებულ შფოთვასა და ემოციურობას გრძნობენ. ამიტომაც, დიდი შანსია, რომ არასწორი გადაწყვეტილება მიიღოთ, შექმნათ კონფლიქტური სიტუაცია, წარუმატებლად დაგეგმოთ მოვლენები.
ასევე, კარგი იქნება, თუ თქვენთვის მნიშვნელოვან საქმეებს 21 აპრილამდე დაასრულებთ, რადგანაც, შემდეგ პლანეტა მერკური რეტროგრადულ მოძრაობას იწყებს და როგორც წესი, ამ დროს ცხოვრების ბევრი სფერო შედარებით ნელდება. ადამიანებს უქვეითდებათ მოტივაცია და იმ საქმეების შესასრულებლად, რასაც ადრე წარმატებით ართმევდნენ თავს, ახლა უფრო დიდი დრო დასჭირდება.
გარდა ამისა, ასტროლოგების თქმით, კარგი იქნება, თუ ფულის სესხებისგან შემდეგ დღეებში თავს შეიკავებთ: 5, 8, 20, 21, 22, 28, 30 აპრილი. მათი თქმით, დიდი შანსია, რომ შემდგომში ფინანსური წარუმატებლობა გქონდეთ და ამ თვალსაზრისით, სტაბილურ გარემოს ვეღარ შეინარჩუნებთ
წყარო – ჟურნალი “ბომონდი”