საქართველოს იუსტიციის სამინისტროდან იმ სახელების სია გამოვითხოვეთ, რომლებიც გასულ წლებში მხოლოდ რამდენიმე ბავშვს დაარქვეს. იშვიათ სახელთა შორის მოხვდა “ხვიჩაც”, რომელიც 2022 წლის განმავლობაში მხოლოდ 6 ბიჭს დაარქვეს.
ბოლო წლებში, ქართველი ახალგაზრდა ფეხბურთელი, ხვიჩა კვარაცხელია ძალიან ბევრი ადამიანისათვის საყვარელი ფეხბურთელი გახდა და მას უამრავი გულშემატკივარი ჰყავს. მშობლები შვილებს წლების წინ ხშირად არქმევდნენ თავიანთი საყვარელი ფეხბურთელების, მომღერლებისა თუ სხვა ცნობილი ადამიანების სახელებს და ამ ფორმით გამოხატავდნენ სიყვარულს. ამიტომაც დავინტერესდით, ხომ არ შეიცვალა სტატისტიკა მოცემული სახელის შემთხვევაშიც.
თუმცა, იუსტიციის სამინისტროს ცნობით, როგორც აღვნიშნეთ, 2022 წლის პირველი იანვრიდან 2023 წლის 28 მარტამდე სახელი “ხვიჩა” 6 ბიჭს დაარქვეს, ხოლო 2020 წლიდან 2023 წლის 28 მარტამდე ჯამში ეს სახელი მშობლებმა 14 ბავშვს შეურჩიეს.
წყარო:mshoblebi.ge