ახლახანს მსოფლიოში ცნობილი რიუიჩი საკამოტო, ოსკაროსანი იაპონელი კომპოზიტორი გარდაიცვალა. ოჯახმა ინფორმაცია ცოტა ხნის წინ გაავრცელა.
იაპონელი კომპოზიტორი, მომღერალი, სიმღერების ავტორი, მუსიკალური პროდიუსერი, აქტივისტი და მსახიობი, რომელიც, როგორც სოლო შემსრულებელი და როგორც Yellow Magic Orchestra-ს წევრი არაერთ მუსიკალურ ჟანრში მოღვაწეობდა. ბენდის წევრებთან, საკამოტომ ელექტრონული მუსიკის მრავალი ჟანრი შექმნა და ასევე არაერთ ჟანრზე მოახდინა გავლენა.
რიუიჩი საკამოტოს დაწერილი აქვს კომპოზიციები საკულტო ფილმებისთვის, როგორიცაა: ბერნარდო ბერტოლუჩის „უკანასკნელი იმპერატორი“, რისთვისაც ოსკარის მე-60 დაჯილდოებაზე დევიდ ბირნთან და სონგ სუსთან ერთად ოსკარი საუკეთესო ორიგინალური მუსიკისთვის მიიღო. მუსიკა დაწერილი აქვს ასევე პედრო ალმოდოვარის „მაღალი ქუსლები“ , ბერტოლუჩის „პატარა ბუდა“ . 2015 წელს კი საკამოტომ ალეხანდრო ინიარიტუს ფილმის „გადარჩენილი“ მუსიკალურ გაფორმებაზე იზრუნა, რომელშიც მთავარ როლებს ლეონარდო დიკაპრიო და ტომ ჰარდი ასრულებენ.