Goe Team საკუთარ facebook-გვერდზე ავრცელებს ინფორმაციას, რომ საქართველოს ნაკრებისა და „კოპენჰაგენის“ მცველს, დავით ხოჭოლავას მენისკის ოპერაცია არ გაუკეთებია.
შეგახსენებთ, 25 და 28 მარტის მონღოლეთთან და ნორვეგიასთან შეხვედრებისათვის ხოჭოლავა, გამოძახების მიუხედავად, ნაკრებში არ ჩამოსულა, ამის მიზეზად კი ფეხბურთელმა ტრავმა დაასახელა.
ხოჭოლავა ამბობდა, რომ მას ბარსელონაში ოპერაცია უნდა გაეკეთებინა.
ასევე გავრცელდა ინფორმაცია, რომ ხოჭოლავა ყოველდღიურად იღებს სამკურნალო პრეპარატებს, რათა დანიის ჩემპიონატის შემდეგ ტურში ითამაშოს, ეს კლუბის სურვილიდან გამომდინარეა, რადგან მათი 3 მცველი ტრავმირებულია.