კორონავირუსის პანდემიამ მთელი ქვეყნის მასშტაბით არაერთი პრობლემა შეიქმნა, მათ შორის არის თვითიზოლაციასა და კარანტინში ყოფნის პერიოდის შრომითი ანაზღაურების საკითხი.
ავალდებულებს თუ არა კანონი დამსაქმებელს აღნიშნული პერიოდის ანაზღაურებას და რა ბერკეტი აქვს დასამქებულს.
ამ შეკითხვებით საქართველოს პროფკავშირების იურისტს, თამარ სურმავას მივმართეთ.
მისი თქმით, ძალიან ხშირია შემთხვევბი, როდესაც დამსაქმებლები, ანაზღაურების გადახდის თავიდან აცილების მიზნით, თანამშრომლებს უფასო შვებულებაში გასვლას აიძულებენ, თუმცა სამართალმცდონემ განმარტა, რომ თვითიზოლაციაში გადასვლას, პრეტენზიის გამოთქმასა და საჩივარის დაწერას კონკრეტული წესი აქვს:
ანაზღაურებადია თუ არა თვითიზოლაციასა და კარანტინში ყოფნის პერიოდი?
მოქმედი კანონმდებლობით, თვითიზოლაციის საკითხისგან განსხვავებით, კარანტინთან დაკავშირებული საკითხი, რეგულირებული იყო. კანონით გაწერილია, რომ საკარანტინე პერიოდის ანაზრაურება სრულად უნდა მოხდეს.
რაც შეეხება თვითიზოლაციას, ეს თემა ჯანდაცვის მინისტრის ბრძანებაში გაწერილი არ იყო. შესაბამისად, შეიქმნა პრობლემები. გარკვეული პერიოდის შემდეგ, შევიდა ცვლილება და კანონში გაიწერა, რომ თვითიზოლაციის პერიოდი კარანტინის მსგავსად, ანაზღაურებადი უნდა იყოს.
როგორ უნდა აიღოთ ცნობა თვითიზოლაციის შესახებ?
თვითიზოლაცია თვითნებურად ვერ გამოცხადდება. ადამიანს, როდესაც გარემოებიდან გამომდინარე ესაჭიროება თვითიზოლაციაში ყოფნა, უნდა აღწეროს კონკრეტული მოცემულობა. დაასაბუთოს, რომ მისთვის და მის ირგვლივ მყოფი ადამიანებისთვის აუცილებელია გარკვეული პერიოდით თვითიზოლაციში გადავიდეს. ეს განცხადება წარადგინოს სამედიცინო დაწესებულებაში. ექიმმა ის უნდა დაადასტუროს, გასცეს შესაბამისი ცნობა და მხოლოდ ამის შემდეგ ექნება სამართლებრივი ძალა.
ამ წერილის საფუძველზე უკვე დამსაქმებელი ვალდებული იქნება აუნაზრაუროს დასაქმებულს თვითიზოლაციაში ყოფნის პერიოდი.
როგორ უნდა მოიქცეთ თუ დამსაქმებელი თვთიზოლაციასა და კარანტინში ყოფნის პერიოდს არ გინაზაღაურებთ?
თუ დამსაქმებელი იმ სამუშაო საათებს არ გინაზღაურებთ, რომლებსაც თქვენგან დამოუკიდბეელი მიზეზებით, თვითიზოლაციასა და კარანტნში ატარებთ, კუთვნილი ანაზღაურების მისაღებად, ერთადერთი ბერკეტი ჩივილია.
აგრეთვე, შეგიძლიათ გამოიძახოთ შრომის ინსპექცია, თუმცა შემდეგ ისევ სასამართლოში მოგიწევთ დავა. გასათვალისწნებელია, რომ ანაზრაურების მოთხოვნის დროს კარანტინისა და თვითიზოლაციაში ყოფნის ოფიციალური დოკუმენტები უნდა გქონდეთ.
წყარო: დაიჯესტი