ანალიტიკოსი ლელა ჯეჯელავა სოციალურ ქსელში წერს:
„ჩემი ფუნდამენტური წინააღმდეგობა ამ ხელისუფლებასთან დაწყო მაშინ, როდესაც მივხვდი, რომ მათი ამოცანა არ იყო ეთნიკური და რელიგიური უმცირესობების ერთიან ეროვნულ-სახელმწიფოებრივი სხეულის ნაწილად განხილვა, არამედ მათი განსხვავებულობის კონტროლის მექანიზმად გამოყენების შენარჩუნება და გაუცხოების გაღრმავება, რაც მრავალეთნიკური და რელიგიური სახელწიფოსათვის არის მაღალი რისკების შემცველი განსაკუთრებით გეოპოლიტიკური კონტექსტის გათვალისწინებით. ბოლო ორი დღის განმავლობაში პარლამენტში მიმდინარე პროცესებმა დაადასტურა, რომ ჩვენი ხელისუფლების წარმომადგენლები სრულიად დაცლილები არიან სახელმწიფოებრივი აზროვნებისაგან და მათი ხელისუფლებაში ყოფნა არის ქართული სახელმწიფოს უსაფრთხოებისათვის დიდი გამოწვევა. ხოლო როცა დეპუტატ ნაკაიძის ნაცვლად სახელმწიფოს რეპუტაციას აზიანებ და ამას მიზანმიმართულად აკეთებ, ეს არის სწორედ სახელმწიფოს ღალატი. 20 წელია თურმე ცნობილია, რომ ნაკაიძე სხვა ქვეყნის აგენტია და ციხის ნაცვლად პარლამენტში ზის? ანუ 20 წელი საქართველოს არ ჰყავს უსაფრთხოების სამსახური, რომლის ფუნქციაც აგენტების გამოვლენაა? ან 20 წელი , ვისაც ამის მტკიცებულებები გქონდათ დანაშაულს ფარავდით ,თანამონაწილეები იყავით? ღმერთო, შენ უშველე ამდენ ბრიყვს, თუ კი საშველი კიდევ არის!“