მუხიანში ერთ-ერთი საცხოვრებელი კორპუსის ლიფტში გარდაცვლილი მამაკაცი იპოვეს. ცხედარი მეზობლებმა ნახეს. წინასწარი ინფორმაციით, ლიფტში ცეცხლის კერის კვალი აღინიშნება.
ადგილობრივები აცხადებენ, რომ გარდაცვლილი მამაკაცი იმავე სადარბაზოში, მეშვიდე სართულზე ცხოვრობდა. მეზობლების ვერსიით, ლიფტი ჩავარდა, ცეცხლი გაუჩნდა და 60 წლამდე ასაკის კაცი ჩაიწვა.
ამ წუთებში, ადგილზე საგამოძიებო მოქმედებები მიმდინარეობს. მუშაობენ ექსპერტ-კრიმინალისტები.