არველაძეების ოჯახის თითქმის ყველა წევრი წლებია პოპულარულია. ეს ის იშვიათი ოჯახია, სადაც სამივე დედმამიშვილი თანაბრად პოპულარულია სამშობლოში. საზოგადოება იცნობს მათ მეუღლეებს, თუმცა შვილებს – ნაკლებად, თუ არ ჩავთვლით რეზის ვაჟს ვატო არველაძეს, რომელმაც მამისა და ბიძების გზა აირჩია.
ამჯერად აჩი არველაძის უფროს შვილზე რევაზ-გიორგი არველაძეზე მოგიყვებით, რომელიც წლებია ამერიკაში, ლოს-ანჯელესში ცხოვრობს და კინოგადაღებებით არის დაკავებული. აჩის მეუღლე თინი კობალაძე პროფესიით ექიმია, თუმცა წლების მანძილზე მეუღლის გვერდით გაატარა და მისი პირადი ექიმი იყო. აჩი არველაძეს არაერთი სპორტული ტრამვა აქვს მიღებული.
წყვილს სამი შვილი ჰყავს. აჩი რამდენიმე თვის წინ, გორგილაძის გადაცემაში ამბობდა:
“ჩემი უფროსი შვილი ამერიკაში სწავლობს, ექვსი წლის წინ წავიდა, დენისონის უნივერსიტეტში კინოპროდიუსინგს ამთავრებს, ლოს – ანჯელესში ცხოვრობს. ქალიშვილი მადრიდშია და პატარა, ლიზა თბილისშია. მას უნდა ფეხბურთის თამაში, მაგრამ მე ვცდილობ, რომ არ ითამაშოს”.
რევაზ-გიორგი არველაძის კარიერა ამერიკაში საინტერესოდ ვითარდება. მის ანგარიშზე უკვე ოთხი ფილმია. მასთან ინტერვიუებს წერენ უცხოური ონლაინ ჟურნალები.
Movie Marker Magazin-თან ინტერვიუში ახალგაზრდა რეჟისორი საკუთარ თავზე გვიყვება:
– მე ვარ რევაზ-გიორგი არველაძე, დავიბადე თურქეთში, ტრაპიზონში. 4 წლამდე ნიდერლანდებში, შემდეგ კი გერმანიაში გავიზარდე, შემდეგ სამშობლოში, საქართველოში გადავედი საცხოვრებლად, სადაც საბოლოოდ ჩავაბარე დედაქალაქში, გივი ზალდასტანიშვილის სახელობის ამერიკულ აკადემიაში.
2015 წელს გადავედი გრანვილში, ოჰაიო დენისონის უნივერსიტეტში სასწავლებლად. თავიდან განათლება სამედიცინო კუთხით უნდა მიმეღო, მაგრამ საბოლოოდ არჩევანი კინოზე გავაკეთე.
2018 წელს, რეზის პირველი წიგნი გამოვიდა, რომელიც ქართულ მითებსა და ლეგენდებზე გვიყვებოდა. წიგნის შესავალში წერია: ისტორიისა და უხსოვარი დროის მანძილზე კავკასიის მთებთან ახლოს მდებარე პატარა ქვეყანას მრავალი უცნაურობა აწუხებდა. ეს საშინელი მოვლენები შემთხვევითია, თუ ისინი დაკავშირებულია რაიმე ბოროტი ძაფით? მიჰყევით გმირებს და, ისინი აღმოჩნდებიან მითიური და საშინელი თავგადასავლების სერიაში!
2019 წელს ბაკალავრის ხარისხის მოპოვების შემდეგ, გადავედი ლოს-ანჯელესში, კალიფორნიაში, რათა ამეხდინა ჩემი ოცნებები. ჩავაბარე ნიუ-იორკის კინოაკადემიაში, მაგისტრის ხარისხი 2021 წლის ბოლოს მოვიპოვე”.
- პირველი ფილმი, The Silver Case 2020 წელს გადაიღო. 2021 წელს რეზი იღებს კიდევ ერთ ფილმს, „მცოცავი ოკუპაცია…“ 2022 წელს რეჟისორის ანგარიშზე უკვე ორი ფილმი გაჩნდა, The Fourth Is of a Devil და Red Hollow, რომელიც უკრაინელი ჯარისკაცის ამბავს გვიყვება.
„ცხოვრების ვიზუალური ასპექტი ყოველთვის მხიბლავდა, რის გამოც, ასე მიზიდავს ვიზუალური მედიუმი. ბოლოს და ბოლოს, სწორედ ეს არის ფილმები – წარმოადგინოს განსხვავებული, ვიზუალური ალტერნატივა ადამიანების მიმართ.
თითოეული ჩემი ფილმი უნიკალური ცხოვრებისეული ისტორიაა. მოთხრობების წერა ჩემთვის განსაკუთრებული გამოცდილებაა, რის გამოც მუდმივად ვწერ, რათა გავაფართოვო ჩემი ჰორიზონტი და გავიუმჯობესო წერის უნარი” – ამბობს რეზი უცხოურ მედიასთან ინტერვიუში.
თავისუფალ დროს ფოტო და ვიდეო გადაღებით იყო გატაცებული, თუმცა მონტაჟით მას შემდეგ დაინტერესდა, როდესაც დენისონის უნივერსიტეტში ჩააბარა. სწორედ მაშინ მოუწია 10 წუთიანი ფილმის გადაღება. იდეა კარგი იყო, მაგრამ გამოუცდელმა სტუდენტმა აღმოაჩინა, რომ კარგად არ იყო გადაღებული. თუმცა მონტაჟი იმდენად კარგად გამოუვიდა, რომ რეალურად ეს იქცა მის პირველ კომპანიონად კინოში.
რეზი მის ბოლო ფილმზე Red Hollow ამბობს:
“არის საშინელებათა ფილმი უკრაინელი ჯარისკაცის შესახებ, რომელიც განმეორებადი რეალობის წინაშე დგას. მე არამარტო ვაკეთებდი ამ პროექტს, არამედ ვამონტაჟებდი კიდეც მას. გადაღებები ლოს ანჯელესში მიმდინარეობდა. ბიუჯეტი დაბალი იყო, ამიტომ მომიწია რომ ჩემი ბინა და ეზო უკრაინის ომის ზონად გადამექცია. ცოტა სასაცილო ამბავია ის, რომ მე მთავარ ურჩხულს ვთამაშობდი და მიუხედავად იმისა, რომ ფილმში ჩემი სახე არ ჩანს, რადგან შესანიშნავი მონტაჟი გავაკეთე…
არველაძის გადაღებულმა ფილმა უკრაინელ ჯარისკაცზე Independent Short Film Awards-ზე ერთი ოქროს და ერთიც ვერცხლის ჯილდო მოიპოვა. ასევე გაიმარჯვა Indie X Film Fest-ზე.
– რომ არა რეჟისორობა და მოტაჟი, რას გააკეთებდით ცხოვრებაში?
– ჩემი თავდაპირველი სურვილი იყო გავმხდარიყავი კარდიოქირურგი…
წყარო: ambebi.ge