ახალგორში ახალგაზრდა ბიჭს, 1998 წელს დაბადებულ, სოფელ არმაზის მკვიდრ ალან ჩერტკოევს ეძებენ.
ინფორმაციას დე-ფაქტო სამხრეთ ოსეთის შინაგან საქმეთა სამინისტროს პრესსამსახური ავრცელებს.
“ალან ავთანდილის ძე ჩერტკოევი 13 მარტს სახლიდან გავიდა და არ დაბრუნებულა. დღეის მდგომარეობით მიმდინარეობს სამძებრო-ოპერატიული ღონისძიებები გაუჩინარებულის ადგილმდებარეობის დასადგენად” — აღნიშნულია პრესსამსახურის განცხადებაში.
სამინისტრო მოუწოდებს მოსახლეობას, რაიმე ინფორმაციის არსებობის შემთხვევაში შეატყობინონ შესაბამის უწყებებს.