ყაველაშვილმა პასუხისმგებლობა აიღოს იმაზე, რომ დათო დღეს სასწრაფომ წაიყვანა…მან ათას სიბინძურეს ჩაუყარა საფუძველი, რაც ტურაშვილის წინააღმდეგ აგორდა, – აღნიშნულის შესახებ ჟურნალისტმა ნინო ჟიჟილაშვილმა ტელეკომპანია „ფორმულას” ეთერში განაცხადა.
მისივე თქმით, ივანიშვილს მწერლების მიმართ განსაკუთრებული ბრაზი და აქვს ამიტომაც არის დღეს ასეთი რეალობა.
„დათოს ყველანი ვუფრთხილდებით. ეთერშიც არ მომიწვევია, რადგან მირჩევნია ადრე დაიძინოს და ამ დროს იქით შეტევას ახორციელებენ. რცხვენოდეს ყაველაშვილს, რომელმაც დათო ტურაშვილის წინააღმდეგ ეს კამპანია ააგორა. აიღოს პასუხისმგებლობა იმაზე, რომ დათო დღეს სასწრაფომ წაიყვანა. მან ათას სიბინძურეს ჩაუყარა საფუძველი, რაც ტურაშვილის წინააღმდეგ აგორდა.
თბილისი პატარა ქალაქია, ყაველაშვილი და მისი გარემოცვა ნერვიულობენ იმაზე, რომ მათ რუსეთთან დაახლოებულ პირებად განიხილავენ. თქვენ ისეთ რამეზე მოაწერეთ ხელი ბატონებო, რომ მოღალატის სახელი უნდა აიტანოთ. ივანიშვილს მწერლების მიმართ განსაკუთრებული ბრაზი და აქვს ამიტომაც არის დღეს ასეთი რეალობა”, – აცხადებს ნინო ჟიჟილაშვილი.
დღეს დათო ტურაშვილმა „ფორმულას“ ეთერში ემოციურად ისაუბრა ბოლო დღეებში მის გარშემო განვითარებულ მოვლენებზე და აღნიშნა, რომ შეიძლება, ამ ყველაფერს მართლა შეეწიროს.
მოგვიანებით, ეროვნული ბიბლიოთეკის დირექტორმა გაავრცელა ინფორმაცია, რომ დათო ტურაშვილი კლინიკაში გადაიყვანეს ძლიერი ნერვული შეტევის გამო.
გადაცემა „მე-17 სართულის“ ერთ ერთმა წამყვანმა, სოფიო ხუნწარიამ კი სოციალურ ქსელში დაწერა, რომ გადაცემა დათოს მდგომარეობის შემდეგ ადრე დაასრულეს და მწერალი კლინიკაში გადაიყვანეს.