მწერალი და ტელეწამყვანი დათო გორგილაძე სოციალური ქსელით მწერალ დათო ტურაშვილთან“ მიმართების ტროლ-ბოტების მიერ აგორებულ „გაშავების“ კამპანიას გამოეხმაურა.
„ტურიკა კარგად იქნება.
ბოლო-ბოლო ეგეთები გადაუტანია?!
მე ის უფრო მაფიქრიანებს, თქვენ რა გეშველებათ, ვინც საკუთარი ცხოვრება სხვისი ცხოვრების გაშავებაში დაახურდავეთ;
მიუსხდებით კლავიატურებს, გახსნით პროფილებს (რომლებსაც ზოგჯერ არარსებული ადამიანების სახელები აქვთ) და მიდიხართ ჯამთან, რომელშიც თქვენი პატრონები სხვა ადამინების სალანძღავ წინადადებებსა და გზავნილებს სალაფავივით გისხამენ.
ტურიკას დიდი გული აქვს და იმდენ სიკეთეს იტევს, მთელი სატროლბოტეთის საგვარეულოს ზმანებაშიც რომ არ ეღირსება. სავსე ცხოვრებით ცხოვრობს, სიყვარული და ამ
სიყვარულის გამოხატვა შეუძლია. ამიტომაცაა დაუმარცხებელი.
მისთვის შავ-ბნელი ამბების შემთხზველებისთვის კი ვერ მაქვს კარგი ამბავი: თქვენ სავსე კი არა, საკუთარი ცხოვრებითაც არ ცხოვრობთ. ამიტომაც აუცილებლად დამარცხდებით“ , – წერს ის.
შეგახსენებთ, გუშინ გადაცემაში „მე-17 სართული“ ტურაშვილი შეუძლოდ გახდა, ის საავადმყოფოში გადაიყვანეს.
ტურაშვილი მის წინააღმდეგ აგორებულ პიარ-კამპანიას პასუხობდა.