გუშინ, “საქართველოს ბანკის” ზუგდიდის ფილიალში მომხდარ ინციდენტს მძევლად მყოფი ადამიანები იხსენებენ. მათი თქმით, თავდამსხმელმა ტყვეობიდან ხნიერი ადამიანები თხოვნის შემდეგ გაათავისუფლა. ერთ-ერთი მძევალი ამბობს, რომ იატაკზე დიდხანს წოლის შემდეგ შეუძლოდ გახდა და თავდამსხმელს გათავისუფლება სთხოვა.
“შემოვარდა, დაწექითო გვითხრა და დავწექით ყველანი, აგრესიულად იქცეოდა, ოპერატორის მაგიდას წიხლი კრა, კითხულობდა თანამშრომლებს, მოლარეს, მენეჯერს, მაგრამ იქ ხმას არავინ იღებდა. მერე გაისროლა, სროლის ხმაზე ისევ დავწექით და კარგა ხანს ვიწექით, ბოლოს მე ცუდად გავხდი, მანამდე ჩემსავით ხნიერმა ქალმა უთხრა გამიშვიო და ის გაუშვა, ვიფიქრე, ვთხოვ, იქნებ მეც გამიშვასთქო. ვუთხარი – ბაბო, გამიშვი, თორემ აქ მოვკვდები-მეთქი, მოტრიალდა, შემომხედა და წადიო, მითხრა” – იხსენებს ერთ-ერთი დაზარალებული.