უკვე მეხუთე დღეა ტანზანიაში, კილიმანჯაროს მთაზე ტყის ხანძრის ჩაქრობას ცდილობენ. ამის შესახებ ინფორმაციას VOA Swahili ავრცელებს. ადგილობრივი ხელისუფლების განცხადებით, ხანძრის ლოკალიზაციას სიცხე, ძლიერი ქარი და რელიეფი ართულებს.
მთავრობა ვერტმფრენების შეძენას გეგმავს, რომლებიც მაშველებს ცეცხლის ჩაქრობის პროცესში დაეხმარება. წინასწარი ვერსიით, ხანძრის მიზეზი დაუდევრობა გახდა. ალპინისტების თანაშემწეები ცეცხლზე საკვების მომზადებას ცდილობდნენ. გამოძიება გრძელდება.