მოძღაობა “სირცხვილია” სამწუხარო ინფორმაციას ავრცელებს და წერს:
“დღეს დილით ჩვენი უფროსი მეგობარი, რეზო ბაბუ გარდაიცვალა. თუ ერთხელ მაინც დასწრებიხართ აქციას, აუცილებლად შეამჩნევდით პარლამენტის კიბეებთან მდგარ ადამიანს, რომელიც ამაყად, დაუღალავად და ჯიუტად აფრიალებდა საქართველოს, ევროკავშირისა და ნატოს დროშებს.
თავისთან იხმობდა ახალგაზრდებს და ცოტა ხნით მედროშედ აქცევდა ხოლმე. ამბობდა, რომ ისინი მომავლის მედროშეები უნდა გამხდარიყვნენ. რეზო ბაბუს ვპირდებით, რომ მის მიერ აღმართული დროშა მუდამ ღირსეულად და ამაყად იფრიალებს თავისუფალ საქართველოში.
რევაზ ბოჭორიშვილს სწამდა თავისუფალი, გამთლიანებული და ევროპული საქართველოს იდეის და მიიჩნევდა, რომ ქვეყნის სამსახურში ყოფნა თითოეული პატრიოტის ვალია. მან კი თავისი ვალი რუსთაველის გამზირზე 9 აპრილს, 20 ივნისს და საქართველოსთვის სხვა უმნიშვნელოვანეს დღეებში მოიხადა.
რეზო ბაბუ მუდმივად გვამხნევებდა და მოტივაციას გვაძლევდა, ახლა კი გვინდა გთხოვოთ, რომ გვერდში დავუდგეთ მის ოჯახს, რომელსაც მისი გადასვენება ტყიბულში უწევს. გავერთიანდეთ რეზო ბაბუსთვის და ღირსეულად გავაცილოთ საქართველოს უდიდესი გულშემატკივარი.
ვუსამძიმრებთ მის ოჯახს და ვიზიარებთ მათ დიდ მწუხარებას.
#GE45TB7698045061100093
REVAZI BOTCHORISHVILI ”
