ხშირად მოგისმენიათ, ალბათ, გაზქურების ჩართვა სახლში საზიანოა, მაგრამ რატომ არის ჯანმრთელობისთვის ცუდი?
ახალი კვლევის მიხედვით, გაზქურა სახლში ჰაერის დაბინძურების დადგენილ ზღვარს არღვევს და ბავშვებში ჯანმრთელობის პრობლემების რისკებს ზრდის.
ენერგოეფექტურობის სექტორში მოქმედი არასამთავრობო ორგანიზაცია CLASP-ის, ევროპის საზოგადოებრივი ჯანდაცვის ალიანსის (EPHA) და ნიდერლანდების გამოყენებითი მეცნიერების კვლევების ორგანიზაციის (TNO) მიერ მომზადებული მოხსენების მიხედვით, ვენტილაციის გარეშე გაზქურაზე კერძების მომზადებისას, დახურულ სივრცეში აზოტის დიოქსიდის (NO2) დონე რეგულარულად აჭარბებს ჯანდაცვის მსოფლიო ორგანიზაციის ჰაერის ხარისხის სახელმძღვანელოსა და ევროკავშირის ჰაერის დაბინძურების სტანდარტების ნორმებს.
ევროკავშირის მასშტაბით, გაზქურებს დაახლოებით 100 მილიონი ადამიანი იყენებს, მათ შორის, ოჯახების ნახევარზე მეტი იტალიაში, ნიდერლანდებში, რუმინეთსა და უნგრეთში.
ჯანდაცვის ჯგუფები შიშობენ, რომ ევროპის ენერგოკრიზისმა სიტუაცია შეიძლება კიდევ უფრო გააუარესოს, რადგან სითბოსა და ფულის დაზოგვის მიზნით, ადამიანები ნაკლებად იყენებენ ვენტილაციას.
წყარო: tia.ge
197 ნახვა
