იტალიური გამოცემა „La Gazzetta dello Sport“ „ნაპოლისა“ და ქართველი შემტევის, ხვიჩა კვარაცხელიას მომავალი ურთიერთობის შესახებ წერს.
გამოცემის მტკიცებით, იტალიური კლუბი კვარაცხელიას 2,5 მლნ ხელფასს შესთავაზებს , კონტრაქტის ხანგრძლივობა კი 2028 წლამდე იქნება განსაზღვრული.
შეგახსენებთ, ქართველი ფეხბურთელი „ნაპოლიში“ წინა წელს ათ მილიონ ევროდ გადავიდა და 2027 წლამდე გააფორმა კონტრაქტი.
კვარაცხელიამ ყველა ტურნირზე 26 მატჩში 12 გოლი გაიტანა და 15 საგოლე გადაცემა შეასრულა.