ჟურნალისი ვახო სანაია “აგენტების კანონს” ეხმაურება და სოციალურ ქსელში სტატუსს აქვეყნებს:
“რომ იძახით, არ დავრეგისტრირდები აგენტადო. მაგაზე რუსეთში სანქციებია – ჯარიმა და თავისუფლების აღკვეთაა. ასე იქნება აქაც.
თქვენ არავინ შეგეკითხებათ, დარეგისტრირდებით თუ არა. თვითონ შეგიყვანენ რეესტრში.
გარდა ამისა, ცდებით, როცა მხოლოდ მედიითა და ენჯეოებით შემოიფარგლებით ხოლმე. საქმე ისაა, რომ რუსეთში კანონმდებლობა ისე ,,დახვეწეს” , ფიზიკურ პირებსაც ეხებათ. სტატუსს ვერ დაწერთ ფეისბუქზე, თუ აგენტად გამოცხადებული პირი სპეციალურ მარკირებას არ დაურთავთ, რომ აგენტი ხართ. თუ დაწერთ მარკირების გარეშე, სანქცია შეგეხებათ.
ვისაც დეტალურად გაინტერესებთ, კიდევ ერთხელ დავდებ გადაცემას, სადაც ეს ყველაფერი ჯერ კიდევ შარშან ავხსენით. ლინკი იხილეთ კომენტარებში.
არათუ მიღება, არამედ ამ პროექტის განხილვაც კი უდიდესი დარტყმაა საქართველოსთვის, რომელსაც ევროკავშირში უნდა” , – წერს სანაია.