დეკანოზი პეტრე კოლხი (კვარაცხელია) სოციალურ ქსელში წერს:
“ჩვენმა ერმა თითქმის დაკარგა, ერთმანეთს შორის სიყვარული, პატივისცემა, მზრუნველობა, მოვლა, პატრონობა, მხარში დგომა, წაქცეულის წამოყენების უნარი…
დიდი მარხვა კარს მოგვადვა, დარწმუნებული ვარ, ბევრს წინასწარ ექნება შეძენილი სამარხვო ძეხვი, სოსისი, ყველი, დანარჩენი პროდუქტიც…
რაც დრო გადის, უფრო აუტანელი ხდება ამდენი სიყალბე, ფარისევლობა და ზედაპირული სულიერება.
როდის უნდა მიხვდეთ, რომ მარხვის მნიშვნელობა კუჭზე არ გადის და ის უფრო სხვა სიმაღლეზეა, რომელსაც ჯერ კიდევ ვერ მივწვდით. თუმცა, ისტერიკულად ვიმეორებთ, რომ ,,წილხვედრი ვართ”, ოღონდ რასთან, ჯერ ვერ დავადგინე!..”