“აღიარეთ, რომ კერპი არ გამოგადგათ, არასწორ კაცზე გედოთ ფსონი” – თამარ ჩერგოლეიშვილი

ჟურნალისტი თამარ ჩერგოლეიშვილი სოციალურ ქსელში ახალ პოსტს აქვეყნებს.

ის მიხეილ სააკაშვილის ემიგრანტ მომხრეებს მიმართავს.

„მიშას ამერიკაში ემიგრირებული ფანკლუბი ახალ პირობებს აყენებს – მიშა წავიდეს პოლიტიკიდან, მაგრამ მაშინ სხვებიც წავიდნენ – ძველებიო.
მეგობრებო, მგონი სჯობს თქვენ შეწყვიტოთ პოლიტიკაზე საუბარი.
აღიაროთ, რომ კერპი არ გამოგადგათ, არასწორ კაცზე გედოთ ფსონი, მიხვდეთ, რომ ემიგრაციიდან და ფეისბუქ ბაბლიდან ვითარება ძალიან არაადეკვატურად ჩანს და გაჩუმდეთ.
ასეთი არაფერი გამიგია – მიშამ ვერ გაძლო ციხეში, მაგრამ თუ კაია მაშინ სხვებიც წადითო (ვისაც არ უნდა ეხებოდეს, ლოგიკაა უბრალოდ გაუმართავი) .
(რეალურად ეს საკუთარი ჯინები და დემონებია – თვითონ არიან თავკერძა ყეყეჩები, ვერ აღიარებენ რომ არასწორები იყვნენ და ვისაც ერჩოდნენ – მართალი)
მოკლედ, არ ხართ იმ ფორმაში რომ ვინმეს მითითებები მისცეთ და გაჩუმდით – კომიკურად გამოიყურებით.
p.s. არავინ გაძალებთ რომელიმე პოლიტიკოსის მოწონებას, ან არ მოწონებას – ამოარჩიეთ თქვენი პარტია, თქვენთვის მოსაწონი პოლიტიკოსებით, იმას აძლიეთ ხმა და რჩევები.
ვინც არ გევასებათ, აკრიტიკეთ მისი შინაარსის გამო – მათ გადაადგილებას და კარიერულ წინსვლას, თქვენ არავინ გეკითხებათ, არ მისცეთ ხმა – ესაა თქვენი საქმე“ , – წერს ჩერგოლეიშვილი.