თურქეთის სამაშველო ჯგუფები აცხადებენ, რომ მიწისძვრიდან ერთ კვირაზე მეტი ხნის შემდეგაც ესმით ხმები ნანგრევებიდან, რაც უფრო მეტი ადამიანის გადარჩენის იმედს აჩენს.
“ისმის კვნესის, ოხვრის ხმები”, – აცხადბენ მაშველები.
41 ათასზე მეტი დაღუპული თურქეთსა და სირიაში – 6 თებერვლის დამანგრეველი მიწისძვრის შედეგად მსხვერპლი კვლავ იზრდება. ყოველდღიურად იკლებს ნანგრევებიდან ამოყვანილი ცოცხალი ადამიანების რაოდენობა.
ბოლო 24 საათში მაშველებმა მხოლოდ 9 ადამიანი გადაარჩინეს. მათ შორის იყო ქალაქ ჰატაიში ერთი ქალი და 77 წლის მამაკაცი ადიამანის პროვინციაში. მათ ნანგრევებში 200-ზე მეტი საათი დაჰყვეს. მძიმე მდგომარეობაში არიან ზამთრის სიცივეში, ღია ცის ქვეშ დარჩენილები.
წყარო: tia.ge