მწერალი და ტელეწამყვანი დათო გორგილაძე სოციალურ ქსელში ახალ პოსტს აქვეყნებს.
„ის, რაც ეპატიება იუპიტერს, არ ეპატიება ხარს”.
მინისტრის მიერ ჟურნალისტისთვის მიკროფონის ხელიდან წაგლეჯვა საკადრისი პასუხია მეტიჩარა კორესპონდენტისთვის და არა სხვისი ნივთის მისაკუთრება;
არტისტის მიერ საკუთარი ნამუშევრის კედლიდან ჩამოხსნა – ქურდობა.
ხელისუფლებასთან დაახლოებული პირის მიერ ბერლინის კედლის ფრაგმენეტზე გაკეთებული წარწერა პერფორმანსია,
არტისტის მიერ გალერეის კედელზე დატოვებული გზავნილი კი – ვანდალიზმი.
არის ასეთი ქვეყანა“ , – წერს გორგილაძე.
შეგახსენებთ, ეროვნულ გალერეაში გამართულ გამოფენაზე მხატვარმა სანდრო სულაბერიძემ საკუთარი ნახატი ჩამოხსნა, კედელზე დააწერა „ხელოვნება ცოცხალი და დამოუკიდებელია“ , რის შემდეგაც მასზე საქმე აღძრეს.
გორგილაძის პოსტიც ამას უკავშირდება.