რეპერი ბედინა ჟურნალ “თბილისელებთან” საკუთარ პირად ცხოვრებაზე ყვება და აღნიშნავს, რომ მისი სასიყვარულო ურთიერთობა ცუდად დასრულდა:
“სამწუხაროდ, ყველა ჩემი სასიყვარულო ისტორია ცუდად დამთავრდა. ალბათ, სიყვარულს გულწრფელი ერთგულება სჭირდება და მაშინ ხვდები, რომ ის ადამიანი შენი მეორე ნახევარია. ბევრი ურთიერთობა მქონდა, მაგრამ ყველა კრახით დასრულდა…
ციხეში რომ ვიჯექი, ერთ გოგოსთან მქონდა ურთიერთობა, სერიოზულად ვფიქრობდი მასზე, მიყვარდა, ვწერდი წერილებს და რომ გამოვედი, გათხოვილი დამხვდა. რთულად მივიღე, ძალიან განვიცადე, თუმცა არც დამირეკავს და არც შევხმიანებივარ. ორი თვე ჩავიკეტე და ვსვამდი.ახლა სიყვარულს არ ვეძებ, ვფიქრობ, თავად მოვა. ჯერ ადრეა, ბევრი რამ მაქვს წინ და მერე ბედნიერებაც აუცილებლად მოვა…“
წყარო – თბილისელები