ექსპერტი გია ხუხაშვილი მთიან ყარაბაღთან დაკავშირებულ პროცესებს ეხმაურება. ხუხაშვილის თქმით, ყარაბაღი ოკუპირებულია.
“არის თუ არა მთიანი ყარაბაღი ოკუპირებული? აფხაზეთის და ე.წ. სამხრეთ ოსეთის პატრონის პასუხი ცალსახაა – არის. სხვა პასუხი პრაქტიკულად ნიშნავს, რომ შენ არც ამ რეგიონების ოკუპაციას აღიარებ. ამ ფუნდამენტალურ პასუხზე ყალიბდება პოლიტიკა, ბუნებრივია მშვიდობიანი განვითარების ხელშეწყობის ფარგლებში” – აცხადებს ხუხაშვილი.
შეგახსენებთ, 27 სექტემბერს სომხეთისა და აზერბაიჯანის საზღვარზე ვითარება უკიდურესად დაიძაბა. მხარეები სამხედრო შეტაკებების და მსხვერპლის შესახებ იუწყებიან.