თურქეთში, 6 თებერვალს მომხდარი ძლიერი მიწისძვრის შემდეგ სამაშველო ოპერაცია 24-სათიან რეჟიმში მიმდინარეობს. სოციალურ ქსელში ვრცელდება ქართველი მაშველი ძაღლის ფოტო, რომელმაც ნანგრევებში მოყოლილ ცოცხალ მოქალაქეს მიაგნო
“აი ასეთია ჩვენი მაშველი-ძაღლი ტინტო. აი ზუსტად ამ წამს მითხრეს ბიჭებმა, რომ ტინტომ ნანგრევებში მოყოლილ ცოცხალ მოქალაქეს მიაგნო, რომელიც უკვე სამედიცინო დაწესებულებაშია გადაყვანილი. ტინტო ჩვენი გმირი ხარ ” – წერს საგანგებო სიტუაციების მართვის სამსახური საზოგადოებასთან ურთიერთობის სამსახურის უფროსი გიორგი თუხარელი.