“მანამდე რეპეტიცია იყო, ცხოვრებას ახლა ვიწყებ…” – რამდენი წლის გახდა თეა დარჩია

თეა დარჩია 52 წლის გახდა. როგორც მოცეკვავე ამბობს, შინაგანი განწყობით ცხოვრებას ახლა იწყებს.

“მე რომ მკითხოთ, მანამდე რეპეტიცია იყო, ცხოვრებას ახლა ვიწყებ. უკვე ზუსტად ვიცი, რა, როგორ, რანაირად. ამ ასაკში საკუთარ თავთანაც შეგუებული ხარ, იცნობ მეტ-ნაკლებად, რისი გამკეთებელი ხარ.

მივხვდი, რომ პირველ რიგში ღმერთის ნებაა ყველაფერი და მეორე, ყველაფერი იმაზეა დამოკიდებული, რამდენად სწორ ნაბიჯებს გადადგამ.

მადლობა ღმერთს. როგორც და რანაირადაც აქამდე ვიყავი, იმის შედეგია ის, ვინც დღეს ვარ”, – ამბობს მოცეკვავე “პრაიმტაიმთან”.