ფილოლოგი გია მურღულია სოციალურ ქსელში ახალ პოსტს აქვეყნებს.
ის თურქეთში მომხდარ ტრაგედიას ეხმაურება.
„როდესაც ისეთი ტრაგედია ხდება, როგორიც თურქეთსა და სირიაში ვნახეთ, ერთადერთი ადამიანური რეაქცია თანაგრძნობა და მწუხარების გულწრფელი გაზიარებაა.
სხვა ყველაფერი, მითუმეტეს აგრესიულ-დამცინავი რიტორიკა სტიქიის მსხვერპლთა რელიგიაზე ან ღმერთის “განზრახვის” მოსულელო “ხედვა” ადამიანური ბუნების ნებაყოფლობითი უარყოფაა.
ვერ ვამბობ, რომ ვიღაც “გონს მოეგოს” და უღირსი სიტყვები თუ ქცევა მოინანიოს, რადგან ასეთები არასდროს გამოსწორდებიან – გონებისა და გულის “გამრუდება”, ალბათ, უკურნებელი სენია.
ღმერთმა გაანათლოს ასეულობით ტრაგიკულად დაღუპულთა სულები – ვინც გინდა იყონ და სადაც გინდა ყოფილიყვნენ.
ადამიანს ყოველთვის მოეთხოვება ადამიანი იყოს.
მშვიდობიანი ზეცა, მიწა და ფიქრი საქართველოს“ , – წერს მურღულია.
შეგახსენებთ, 6 თებერვალს თურქეთსა და სირიაში მომხდარი მიწისძვრის შედეგად 3 000 ადამიანზე მეტი ადამიანი დაიღუპა.