“ცხოვრებაში მსგავსი არაფერი მინახავს” – სპალეტი კვარაცხელია-ოსიმენის ტანდემზე

„ნაპოლის“ მთავარმა მწვრთმელმა, ლუჩანო სპალეტიმ მატჩისშემდგომ პრესკონფერენციაზე თამაში და ფეხბურთელები შეაფასა.

მისი თქმით, კვარაცხელიასა და ოსიმენის ტანდემი საოცარია, ისინი გამოსავალს ყოველთის პოულობენ.

„უდიდესი სამუშაო შევასრულეთ, მაგრამ მატჩის ბედი ერთეულების მიერ წყდება. კვარა და ოსიმენი არიან ფეხბურთელები რომლებიც ქმნიან და პოულობენ გამოსავალს. ვადასტურებ, რომ კვარაცხელია “პენალტისტია” და რაც ოსიმენმა გააკეთა, გაოცებული ვარ. ადგილიდან ორ ფეხზე ამხელა ნახტომი, არასდროს მინახავს,” – აღნიშნა “ნაპოლის” მწვრთნელმა.

შეგახსენებთ, „ნაპოლიმ“ „სპეცია“ სტუმრად 0:3 დაამარცხა.

ქართველმა შემტევმა 1 გოლი და 1 საგოლე გადაცემა მიითვალა, ხოლო ვიქტორ ოსიმენმა დუბლი გაიფორმა.

ოსიმენის ნახტომმა, რომელსაც გოლი მოჰყვა, 2 მეტრსა და 58 სმ-ს მიაღწია.