“ვანი, სამტრედია და ხონი ეჭვიანობს, რომ წყალტუბო უფრო მიყვარს” – ჟორჟოლიანი

ჟურნალისტი და უკვე ვანის, ხონის, სამტრედიისა და წყალტუბოს მაჟორიტარობის კანდიდატი ნანუკა ჟორჟოლიანი წინასაარჩევნო გეგმებზე „TV პირველთან“ საუბრობს.

„რთულია ხალხო! ვანი, სამტრედია და ხონი ეჭვიანობს, რომ წყალტუბო უფრო მიყვარს. არა ასეც არის, მე იქ დავიბადე და 12 წლამდე იქ გავიზარდე, მოკლედ ძაან დიდი სამუშაო მაქვს ჩასატარებელი, რომ ისინი დავარწმუნო და მათი გულების მოპოვება შევძლო.

169 სოფელში უნდა ჩავიდე 20 დღეში, და უნდა მივიდე იმ ადამიანებთან, ვინც ჯერ კიდევ ფიქრობს და არ გადაუწყვიტავთ. განა იმიტომ რომ ჩემი ამომრჩეველი არ მიყვარს, ჩემი ამომრჩეველი ისედაც ჩემს გვერდითაა.

„ქართული ოცნებაა“ იქნება ჩემი მთავარი კონკურენტი. ბატონი გივი ჭიჭინაძე, ამ შემთხვევაში, ძალიან საყვარელი ადამიანი, რომელიც არაჩვეულებრივად მღერის.

ძალიან კეთილი და საყვარელი ადამიანია, ყველა ასე ახასიათებს და ის ძალიან უყვართ. შესაბამისად, მე გამიმართლა რომ ღირსეული კონკურენტი მყავს,“- განაცხადა ჟორჟოლიანმა.

შეგახსენებთ, რომ ნანუკა ჟორჟოლიანი მაჟორიტარობის კანდიდატად „ნაციონალურმა მოძრაობამ“ გუშინ წარადგინა.