ხვალიდან, 22:00 საათიდან აჭარაში რესტორნების მუშაობა შეიზღუდება. ინფორმაციას imedinews.ge ავრცელებს
რეგიონში ასევე გაჩერდება ყველანაირი საზოგადოებრივი ტრანსპორტის მუშაობა. ამის შესახებ საკოორდინაციო საბჭოს სხდომის დასრულების შემდეგ მთავრობის ადმინისტრაციის უფროსმა ნათია მეზვრიშვილმა განაცხადა.
„ხვალიდან, 22:00 საათიდან რესტორნები აღარ იმუშავებენ. ამაზე დაწესდება შეზღუდვა და ხვალიდან აჭარის რეგიონში საზოგადოებრივი ტრანსპორტი მთლიანად გაჩერდება“, – განაცხადა მეზვრიშვილმა.
მისივე განმარტებით რესტორნები მუშაობის განახლებას დილიდან შეძლებენ, თუმცა საღამოს 10 საათზე ეს ობიექტები დახურული იყოს. მეზვრიშვილმა ასევე აღნიშნა, რომ შეზღუდვების მოქმედების ვადა ეპიდმდგომარეობაზე იქნება დამოკიდებული.