გელათის ტაძრის წინამძღვარს, მამა იოსებ ბურჯანაძეს შაბათს დაკრძალავენ. ამის შესახებ ინფორმაციას „ინფო იმერეთი“ ავრცელებს.
სააგენტოს ინფორმაციით, სასულიერო პირის დაკრძალვა გელათის მონასტერში მოხდება.
მამა იოსებ ბურჯანაძემ დამწვრობა ორი კვირის წინ სენაკში გაჩენილი ხანძრის შედეგად მიიღო. სასულიერო პირს სხეულის 50%-მდე ჰქონდა დამწვარი. იგი საავადმყოფოში ჯერ ქუთაისში, შემდეგ თბილისში გადაიყვანეს, მაგრამ ექიმებმა მისი გადარჩენა ვერ მოახერხეს და რამდენიმე დღეში გარდაიცვალა.