სრულიად საქართველოს კათოლიკოს-პატრიარქი ილია მეორე დეკანოზ ალექსანდრე ჩახვაშვილის გარდაცვალების გამო, მწუხარებას გამოთქვამს და სამძიმრის წერილს ავრცელებს:
“დიდად ვწუხვართ დეკანოზ ალექსანდრე ჩახვაშვილის გარდაცვალების გამო. მან 24 წელი იმსახურა წმინდა მიქაელ ტვერელის ეკლესიაში წინამძღვრად და მრავალი სასიკეთო საქმე აღასრულა.
თანავუგრძნობთ ოჯახის წევრებს, ახლობლებს, წმინდა მიქაელ ტვერელის ეკლესიის მოძღვრებსა და მრევლს და შევთხოვთ ღმერთს, სავანესა მართალთასა განუსვენოს მამა ალექსანდრეს სულს, ხოლო თქვენ მოგანიჭოთ მისთვის ლოცვის ძალა”, – აღნიშნულია სამძიმრის ტექსტში.