ნეკა დოროყაშვილი სხვადასხვა მიზეზით საზოგადოების ყურადღების ცენტრში ხშირად ექცევა. ამჯერად, გამომწერები მისი გარეგნობით დაინტერესდნენ და ჰკითხეს, აქვს თუ არა პლასტიკური ოპერაცია გაკეთებული.
მოდელისა და ინფლიენსერის თქმით, მისი სახე ბუნებრივია.
„სახეზე გაკეთებული არაფერი მაქვს. ჩემი სახე, ჯერჯერობით, ნატურალურია. მომწონს ბუნებრიობა, მაგრამ გამოგიტყდებით და სულ ვფიქრობ რამე ხომ არ გავიკეთო. ეს არის დიდი ცდუნება, რომელსაც ვებრძვი. არ მინდა რამე გავიკეთო, შევტოპო და ვერ გავიგო, როგორ დავემსგავსები ცვილის ფიგურას. შიში მაქვს სიბერის… როდესაც რამე დამჭირდება, აუცილებლად შევაკეთებ, მაგრამ ჯერ ახალგაზრდა ვარ.“ – წერს ნეკა დოროყაშვილი.