მეორე დღეა მომღერალი ნინი ბადურაშვილი თავისი დაუფიქრებელი კომენტარის გამო საჯარო ბულინგის მსხვერპლია. ნინი გადაცემა “კაცების შოუს” სტუმარი იყო. “ფეისბუქზე” კომენტარებში ერთი გოგონას მიწერილ კომენტარს – „ერთადერთი გადაცემაა, რასაც ვუყურებ, რა ბადურაშვილი”, ნინიმ ასე უპასუხა: „ამ ვიდით რამდენს ბედავ!” და თან გოგონას საკუთარი ფოტო დაუდო.
ნინიმ მოგვიანებით ამ გოგონას ბოდიში მოუხადა. მომღერლის გარშემო ატეხილ სკანდალს, მეგობარი და კოლეგა, ქრისტინე იმედაძე ასე გამოეხმაურა.
ქრისტინე იმედაძე: – ეს პოსტი არ ეხება იმ კონკრეტულ გოგოს!(რომელსაც უკვე ბოდიში მოუხადა ნინიმ)
ზოგადია!
მე უბრალოდ კითხვა მაქვს: კლიპი ან გადაცემა არ მაქვს დადებული, რომ წამებში ან ვირი ვარ, ან ცხენი, ჩოჩორი, ძროხა და რა შეფასება აღარ წამიკითხავს ჩემ თავზე… იმ დანარჩენ მთავარ სიტყვებს არ დავწერ (მაინც ბავშვებიც არიან სოც ქსელში)
მაგ დროს სად ხართ ხოლმე ეგ დამცველები?
ეს “ბულლინგი”-ს კანონები “ცნობადებზე” არ ვრცელდება?
თუ გგონიათ, რომ ვიღაცამ სიმღერა, მოდელობა, წამყვანობა ან მსახიობობა გადაწყვიტა ცხოვრებაში, აუცილებლად სპეციალური ნერვები მოყვება?
გულწრფელად მაინტერესებს, ჩვეულებრივი მოქალაქის “ბულინგი” – ბულინგია და თუ ეკრანზე ჩანხარ, ვალდებული ხარ გაუძლო ყველაფერს?
უბრალოდ მინდა ვიცოდე, რატომ არ ტყდება პანიკა, როცა ჩვენს გარეგნობას, ჩვენს შვილებს, ოჯახებს ან ოჯახის გარდაცვლილ წევრებს ეხებიან….
აბა, გუშინ რამდენი დაფიქრდით იმაზე, რომ იქნებ მერამდენე დაუმსახურებელი შეფასება წაიკითხა, რომ გულმა არ გაუძლო ერთი შეხედვით თითქოს არ გასაბრაზებელ კომენტარზე…
ადამიანები ვართ ჩვენც… და ყოველთვის არ ვართ მზად მივიღოთ “რაღაცები” …
კარგია ეს გვერდში დგომა რომ ვიცით, მაგრამ ცუდია, თუ ყველაზე არ ვრცელდება…
ქრისტინეს პოსტს თავად ნინიც პასუხობს.
“ცნობადობის გამო თურმე გარდაცვლილ ოჯახის წევრზე, დედაზე, შვილზე – ყველაზე თავდასხმა და ქილიკი უნდა აიტანო და თუ იშვითად წყობიდან გამოხვედი და უხეშად უპასუხე, ამის გამო საჯაროდ დაისჯები! ასეა როგორც მივხვდი” – წერს ბადურაშვილი.