მას შემდეგ, რაც ცოტნე გამსახურდიას დედამ, მანანა არჩვაძე-გამსახურდიამ გამოაქვეყნა ანგარიშის ნომერი და ითხოვა თანხის ჩარიცხვა ცოტნე გამსახურდიას მკურნალობისთვის, ძალიან ბევრ ადამიანს გაუჩნდა კითხვა, შეწყვიტა ცოტნე გამსახურდიას მკურნალობის დაფინანსება „ქართუ“ ბანკმა?უამრავი ადამიანი გამოეხმაურა ქალბატონი მანანას პოსტს, ზოგი ბრაზობს, ზოგი ხელფასს ელოდება, რომ თანხა ჩარიცხოს ცოტნეს გადასარჩენად:
ცოტნეს მეუღლე ანა ჯაბაური დეტალებზე საუბრობს:
“ქართუ ფონდმა ცოტნეს დაფინანსება არამც თუ შეუწყვიტა ან შეუზღუდა, არამედ წინსწრებით უხდის ყოველთვიურად ულიმიტოდ ნებისმიერი რაოდენობის თანხას, რომელსაც ცოტნეს მკურნალობა საჭიროებს. უფრო მეტს გეტყვით – ქართუს გარდა საჭირო თანხისა, ყოველთვიურად წინასწარ შეაქვს დამატებითი თანხაც ცოტნეს სარეზერვო ფონდში, დამატებითი შესაძლო საჭიროების გამოვლენის შემთხვევისთვის. ასე, რომ არამცთუ თქვენ, არამედ მთელ მოსახლეობას მოვუწოდებთ მეც და ცოტნეს ძმებიც – არც ერთ ანგარიშზე, სადაც ცოტნეს მკურნალობის ფულის შეგროვებაზე იქნება ლაპარაკი, თანხა არ ჩარიცხოთ, რამეთუ ამ თანხიდან არცერთი თეთრი ცოტნემდე არ და ვერ მივა ორი მარტივი მიზეზის გამო – ცოტნეს ყველაფერი წინასწარ აქვს დაფინანსებული სარეზერვო ფონდის ჩათვლით.