კორონავირუსის შემთხვევების მატების გამო, პრემიერ-მინისტრის თქმით, ქვეყნის დიდ ქალაქებში სასწავლო პროცესი 2-ელ ოქტომბრამდე გადაიდო. ამის შესახებ გიორგი გახარიამ საკოორდინაციო საბჭოს სხდომის დასრულების შემდეგ განაცხადა.
სწავლა გადაიდო შემდეგ ქალაქებში: თბილისი, ქუთაისი, რუსთავი, გორი, ზუგდიდი და ფოთი. ამასთან, სწავლის გადადება ეხება როგორც სკოლას, ასევე უმაღლეს სასწავლებლებს.
“ამ ქალაქებში სასწავლო პროცესი უმაღლეს სასწავლებლებში, სკოლებში დაიწყება 1ოქტომბრიდან. ეს დრო საჭიროა, რომ სწორედ შევაფასოთ დღეს მიმდინარე რისკები. ამისთვის გვჭირდება ორი კვირა და ჩვენ უკვე მივიღებთ დამატებით გადაწყვეტილებებს ბავშვებთან დაკავშირებით” – განაცხადა პრემიერ-მინისტრმა.