გუშინ გვარცელებული ინფორმაციის თანახმად 22 წლის ქალს მუცელში ოპერაციის დროს მაკრატელი ჩაუტოვეს, ოპერაცია 3 თვის წინ ჩატარდა, რადგან 22 წლის გოგონას კიბოს დიაგნოზი დაუსვეს.
რადიო თავისუფლება იმ კლინიკის დირექტორს ესაუბრა სადაც ოპერაცია ჩატარდა, კერძოდ კი მარდალეიშვილის კლინიკის დირექტორს გიორგი ლოლაძეს რომელმაც თქვა:
“კლინიკა მთლიანად იზიარებს მორალურ პასუხისმგებლობას მომხდარის გამო, იმის მიუხედავად, რომ სტატისტიკურად ყოველ 1000 ოპერაციაზე მსგავსი ერთეული შემთხვევები ხდება. ოპერაციას ექიმების ჯგუფი აკეთებდა, ინციდენტს ჯანდაცვის სამინისტროს რეგულირების სააგენტო შეისწავლის. ახლა დასკვნების გაკეთება ნაადრეევია, თუმცა ეს არ გვანთავისუფლებს მორალური პასუხისმგებლობისგან, – ამბობს გიორგი ლოლაძე, – ოპერაციის დროს მაკრატელი შემთხვევით აღმოაჩინეს, რადგან პირველ შემთხვევაში ის კლინიკაში კომბინირებული დაავადებით შემოვიდა და ოპერაციის შემდეგ შეხორცებები განუვითარდა. პაციენტის მდგომარეობა ჩვენი პირველადი დასკვნით სწორედ ამ შეხორცებების გამო გართულდა”
ხოლო ექიმი, რომელმაც ოპერაცია გააკეთა ნიკოლოზ მღებრიშვილი ამ ეტაპზე კომენტარის გაკეთებისგან თავს იკავებს.
ფოტო – https://itar.ge/