რადიო „Kiss Kiss Napoli“ – ს „ნაპოლის“ ნიგერიელმა თავდამსხმელმა, ვიქტორ ოსიმენმა ინტერვიუ მისცა.
მან სხვა თემებთან ერთად, თანაგუნდელზე, ქართველ შემტევ ხვიჩა კვარაცხელიაზეც ისაუბრა.
„ის ერთ-ერთი ყველაზე ნიჭიერი ფეხბურთელია, ეს დაუჯერებელია. აქვს უნიკალური ტექნიკური შესაძლებლობები, მაგრამ, რა თქმა უნდა, ვერ დავივიწყებ სხვა ტექნიკურ ფეხბურთელებს, ვისთან ერთადაც მითამაშია, როგორებიც არიან ლორენცო ინსინიე და დრის მერტენსი. ისინი ტექნიკურადაც ძალიან ძლიერები იყვნენ, მაგრამ კვარაცხელია ჯერ ახალგაზრდაა და ამის მიუხედავად, ახლანდელი გუნდის ერთ-ერთი საფუძველია. ის იმსახურებს ყველა ჯილდოს, რასაც იღებს და კიდევ უფრო მეტს ვუსურვებ, რადგან ეს მისთვის მხოლოდ დასაწყისია.
ჩვენ ერთმანეთს ვეხმარებით მოედანზე, ის ძალიან მეხმარება და ერთად ძალიან კარგად ვთამაშობთ. ეს ორივესთვის მნიშვნელოვანია. ბედნიერი ვარ, რომ ის „ნაპოლიში“ იზრდება. არ მგონია, რომ კვარაცხელიას იმაზე მეტი უნდა მოვთხოვოთ, ვიდრე აკეთებს. ამის მიუხედავად ველი, რომ მომავალში უფრო მეტსაც შეძლებს“, – განაცხადა „ნაპოლის“ ნიგერიელმა თავდამსხმელმა.