კინოინდუსტრიის უმნიშვნელოვანესი მოვლენა, “ოსკარების” დაჯილდოება, 2023 წლის 12 მარტს გაიმართება. წლის ყველაზე პრესტიჟულ ცერემონიაზე უამრავი ვარსკვლავი მოიყრის თავს. საუბრის მთავარი თემა, რა თქმა უნდა, ფილმები, მსახიობები და მოდა იქნება.
დაჯილდოების ნომინანტები მაყურებელს თავს ყოველთვის საუკეთესო ფილმებითა და ჩაცმულობით ამახსოვრებენ. მაგრამ ხშირად საზოგადოების ყურადღებას ისეთი მსახიობებიც იქცევენ, რომელთა პოპულარობა მათი ქვეყნის ფარგლებს ვერ სცდება.
ყველას კარგად ახსოვს 2013 წლის ფილმი „მანდარინები“, რომელიც “ოსკარის” საუკეთესო უცხოენოვანი ფილმის ნომინანტი იყო, მაგრამ ცოტამ თუ იცის, რომ მანამ, სანამ ამ
ფილმის მსახიობები დაჯილდოებაზე მოხვდებოდნენ, უფრო ადრე კინოინდუსტრიის ყველაზე მნიშვნელოვან ცერემონიას კიდევ ერთი ქართველი მსახიობი ესწრებოდა – 1997 წლის ამ საღამოს ქართველი მსახიობი ია ფარულავა დაესწრო.
ია ფარულავა ამერიკის კინომსახიობთა გილდიის (SAG-ის) წევრია და 1993 წლიდან 1998 წლამდე ლოს-ანჯელესში ცხოვრობდა.
აშშ-ში ცხოვრებისას იგი მრავალ მუსიკალურ კლიპში, სარეკლამო რგოლსა და დაბალბიუჯეტიან ფილმში გადაიღეს.
ცნობილი ფაქტია, რომ ია სტივენ სპილბერგის ფილმის, “შინდლერის სიის“ შესარჩევ კონკურსშიც იღებდა მონაწილეობას, სადაც იგი ნაცისტი გენერლის ებრაელი მოსამსახურის, ჰელენ ჰირშის როლზე განიხილებოდა, მაგრამ სტივენ სპილბერგმა იგი ზედმეტად ლამაზად მიიჩნია, შესაბამისად, როლი ამერიკელ მსახიობს, ემბეტ დევიდს ერგო.
