თელავში საცხოვრებელ ბინაში გარდაცვლილი ქალი, 30 წლამდე ასაკის დეა ტალაშვილია.
ალაზნის გამზირზე, 26-ე კორპუსში მცხოვრებლების ინფორმაციით, გარდაცვლილმა ბინა რამდენიმე დღის წინ იქირავა და კონტაქტი არავისთან ჰქონია.
“ჩვენ ასე ვიცით, რომ გურჯაანის მუნიციპალიტეტიდან არის საწყალი. დედისერთააო და დედა ჰყავს ემიგრაციაშიო. მგონი, მამაც გარდაცვლილიაო, ასე ამბობს ხალხი. აქ ცოტა ხნის წინ მოვიდა და კონტაქტი არავისთან ჰქონდა. შუადღისას გავიგეთ, ეს საშინელი ამბავი”, – ამბობენ თელაველები.
შეგახსენებთ, ახალგაზრდა ქალის ცხედარი, საცხოვრებელი ბინის აბაზანაში, სახლის მფლობელმა იპოვა.
გავრცელებული ცნობით, გარდაცვლილის დედა ემიგრანტი იყო:
“დღეს ჩვენს მეგობარს ემიგრანტ დედას ერთადერთი შვილი გარდაეცვალა აქ უკვე სიტყვები უძლურია რით უნდა ანუგეშო გამწარებული დედაა ღმერთო რატომ რისთვის მზია შოკში ვარ ვიზიარებ შენს უსაზღვრო მწუხარებას.”