სასამართლომ აღიარა, რომ 5 ივლისის სისხლისნი მოვლენების უკან ხელისუფლება იდგა – ასე შეაფასა “ტვ პირველის” საინფორმაციო სამსახურის უფროსმა, ნოდარ მელაძემ, 5 ივლისის საქმეზე თბილისის სააპელაციო სასამართლოს გადაწყვეტილება.
საუბარია მოსამართლე მაია თეთრაულის გადაწყვეტილებაზე, რომლის თანახმადაც რადიკალებს სასჯელი შეუმცირდათ.
ნოდარ მელაძის თქმით, გამორციხული არ არის, აღნიშნული სასჯელი უზენაესმა სასამართლომ კიდევ უფრო შეამციროს.
დღეს მოსამართლემ თქვა, რომ ჟურნალისტებზე სისხლიანი ანგარიშსწორების შემთხვევაშიც ის შეამცირებს სასჯელს და ჩვენ ვნახეთ, რომ პირველი ინსტანციის სასამართლომ 5 წელი მიუსაჯა დავით კუტალაძეს, ამ შემთხვევაში კი მოსამართლემ ყველას მიმართ შეამცირა და ერთ მუხლში დავით კუტალაძე საერთოდ გაამართლა.
ეს არის პირდაპირი სიგნალი, რა თქმა უნდა, მსგავსს საქმეებზე მოსამართლეები გადაწყვეტილებებს დამოუკიდებლად არ იღებენ, იმიტომ, რომ საყოველთაოდ აღიარებული საერთაშორისო დასკვნებით და ადგილობრივი არამსათვრობო ორგანიზაციების დასკვნებით ჩვენთან საქართველოში დამოუკიდებელი სასამართლო არ არსებობს.
სასამართლოს მართავს კლანი, კლანს მართავს ხელისუფლება. შესაბამისად, ხელისუფლებამ სასამართლოს ხელით დღეს თქვა, რომ ჟურნალისტების, ოპერატორების ცემა, სისხლიანი გარჩევა, სიკვდილის პირას ამ ადამიანების მიყვანა, ეს ხალხი არიან ლექსოს მკვლელები, შეიძლება, დროთა განმავლობაში, მას შემდეგ, რაც საზოგადოების პროტესტი ნელ-ნელა მინელდება, ამ ადამიანებს საჯელი შეუმცირონ, წინ კიდევ უზენაესი სასამართლოა…
გამოდის, რომ მოძალადეები, რომლებმაც დაასისხლიანეს და თბილისის შუაგულის სისხლიანი ანგარიშსწორების ეპიცენტრად აქციეს, ეს ადამიანები 2 წელიწადში იქნებიან თავისუფლებაზე, ან კიდევ უამრავი მანიპულაციის საშუალება აქვთ…
ჩვენი ჟურნალისტური გამოძიებით დადასტურებული ფაქტი იყო, რომ ხელისუფლება იდგა 5 ივლისის სისხლიანი მოვლენების უკან და ის მართავდა ამ მოძალადეებს, დღეს უკვე სასამართლომ თავად აღიარა ეს აყველაფერი, – თქვა ნოდარ მელაძემ.