Spazio Napoli ავრცელებს ვიდეოს, სადაც ჩანს, თუ როგორ სთხოვს “ნაპოლის” ბაზასთან მყოფი იტალიელი ბიჭი, ხვიჩა კვარაცხელიას მაისურს.
ამ ფაქტს სოციალურ ქსელში ჟურნალისტი, მერაბ მეტრეველი ეხმაურება.
“აუ, გული დამეწვა. ეს ნეაპოლელი ბავშვია. დღეს “ნაპოლის” ბაზასთან სპეციალური ბანერით მივიდა, რომელზეც ლათინური ასოებით ქართულად ეწერა: “ხვიჩა, შენ ხარ ძლიერი. ძალიან გთხოვ, მომეცი შენი მაისური, შენი ფანი გაბრიელი”.
ამ ტექსტის შედგენაში ბებიამისის ქართველი მომვლელი დაეხმარა. სამწუხაროდ, ხვიჩამ ვერ შეამჩნია და ატირდა. თუმცა, დარწმუნებული ვარ, ხვიჩა ამ ამბავს გაიგებს და აუცილებლად გადასცემს მაისურს”, – წერს ჟურნალისტი