“საქართველოს ბანკის” თანამშრომელი, ნინი ფოფხაძე სოციალურ ქსელში პოსტს აქვეყნებს და უარყოფს გავრცელებულ ინფორმაციას, რომ ბანკის ერთ-ერთი ფილიალის კარი განზრახ დატოვეს, რათა მანდ მიუსაფარ ბებოს თავი არ შეეფარებინა. მისი განმარტებით, კარს ტექნიკური პრობლემები ჰქონდა.
“მსგავსი სტატუსები არ მჩვევია, მაგრამ უნდა დავწერო
გვადანაშაულებენ, თითქოს ადამიანს, რომელიც ჩვენს ფილიალს აფარებდა თავს (და რომელსაც თანამშრომლებმა შესთავაზეს კიდეც საცხოვრებელი) ძალით შევუქმენით ისეთი პირობები, ფილიალში ღამე ვერ გაათენებინა. ტყუილია. ჩვენთვის, საქართველოს ბანკის თითოეული თანამშრომლისთვის, სრულიად მიუღებელია ასეთი დამოკიდებულება. ბანკშიც ადამიანები ვმუშაობთ და ჩვენც გვყავს ახლობლები. განზრახ კარი ღია არავის დაუტოვებია. მწყობრიდან გამოვიდა მექანიზმი.
ასევე, ერთ-ერთი კომენტარის ავტორი, რომელსაც სამუშაო ადგილად საქართველოს ბანკი უწერია, ტყუის. დანამდვილებით შემიძლია გითხრათ, რომ (ბიწაძე ნანა) არათუ მარკეტინგში, საერთოდ საქართველოს ბანკშიც კი არ მუშაობს.
ძალიან საწყენია და როგორც ჩანს, სხვებისთვის მარტივი, ასე ხელაღებით დაადანაშაულო სხვები ბოროტებაში” – წერს ფოფხაძე
შეგახსენებთ, რომ სამოქალაქო აქტივისტმა, აკა სინჯიკაშვილმა ცოტა ხნის წინ გაავრცელა ინფორმაცია, რომ ბანკის თანამშრომლებმა სპეციალურად გამორთეს გათბობა და შემდეგ კარიც ღია დატოვეს, რათა მოხუც ქალს, რომელიც ბანკში თავს აფარებდა, ღამის გათენების შესაძლებლობა არ ჰქონოდა.