სცენარისტი, ქეთი დევდარიანი, სოციალურ ქსელში წერს:
“მოკლედ, არ ვიცი, პოპულისტური ვირეშმაკობის ბრალია, თუ მართლა ვერ გაურჩევია ამ ხალხს ტრადიცია მავნე, მოძველებული მითებისგან.
იცით, როდიდან იქცა ტრაგედიად შვილის სიკვდილი ადამიანისთვის? როცა გაჩნდა ვაქცინა და ანტიბიოტიკი და ადამიანი ბოლოსდაბოლოს გადაეჩვია იმაზე ფიქრს, რომ გაჩენილი ათი შვილიდან რვა შეიძლებოდა “ბატონებით” მომკვდარიყო.
დიახ, მამალი და სიმღერა ისევ იმას ეხმარებოდა, ვისაც იმუნიტეტი ჰქონდა ძლიერი და ისედაც გადარჩებოდა.
აცრა და ვაქცინა – თითქმის ყველას.
ყოფაში, მკურნალობის პარალელურად წითელი ფარდების ჩამოფარება და სიმღერა ხელს არაფერს უშლის, რა თქმა უნდა. ამას ოჯახის წევრებისთვის მოაქვს სიმშვიდე, სიმშვიდე კი მნიშვნელოვანი კომპონენტია მკურნალობისას.
მაგრამ ეს უნდა იყოს პარალელური ღონისძიება და არა ქართველი ერის უნიკალური ტრადიცია დაავადებებთან ქვისხანის მეთოდებით ბრძოლისა.
ასეთი რაღაცეების რომანტიზება და სახელმწიფო დონეზე გაძეგლება იმ მავნებლობის ნაწილია, რომელსაც ივანიშვილის ხელისუფლება ათი წელია ეწევა”, – წერს დევდარიანი.