ზუგდიდის სოფელ ყულიშკარში ერთ-ერთი ოჯახის საცხოვრებელი სახლი დაიწვა. ადგილობრივების ინფორმაციით, შემთხვევა დღეს დილით მოხდა. მათივე თქმით, ხანძრის შედეგად შენობა სრულად დაიწვა და ოჯახმა ნივთების გამოტანა ვერ მოასწრო.
ცეცხლის სალიკვიდაციო სამუშაოებს 3 სახანძრო-სამაშველო ბრიგადა აწარმოებდა.
ზუგდიდის მერიის ცნობით, დაზარალებულ ოჯახს ერთჯერად ფულად დახმარებას გაუწევენ. ამასთან მერია მათ ბინის ქირით უზრუნველყოფს და სამასალე მორების მიღებაზე შუამდგომლობას გაუწევს.
ინფორმაციას „ათინათი“ ავრცელებს.